Корисникот треба да поднесе барање до Охридска банка со кое бара да се дозволи увид на одредена банкарска сметка на својот мобилен телефон. Увидот (на својата сметка) е крајно рестриктивен, што значи дека само корисникот може да си ја прочита својата сметка на својот мобилен телефон. Корисникот може да назначи повеќе сметки за користење ако тие сметки му припаѓаат нему, а се од различен тип (тековна, девизна, денарска сметка, жиро сметка за платен промет и сл).

Мобилниот влез на Охридска банка е крајно рестриктивен и селективен затоа секое неовластено или недефинирано барање се селектира и исклучува од мобилната централа.

Упатство за користење на Мобилното банкарство

---

1. Вклучување на опцијата ПОРАКИ (SMS) кај својот мобилен оператор, доколку не е вклучена.
2. Зависно од моделот на Вашиот телефон (Nokia, Ericson, Siemens, Panasonic...) треба да отворите пишување на нова порака.
3. За проверка на вашата сметка ќе ви треба бројот на вашата банкарска партија Во Банката сите штедни партии од население се со 13 карактери и сите започнуваат со 14 (пр.1400101159009 за тековна сметка ...). За проверка на вашата с-ка од ПЛАТЕН ПРОМЕТ треба да ја внесете целосната с-ка и сите започнуваат со 530 (пр. 530000100010183 за жиро с-ка од Банката). Доколку не се внесе точната банкарска сметка централата ви враќа одговор -„НЕМАТЕ АВТОРИЗАЦИЈА ЗА СМЕТКАТА„ или „СМЕТКАТА НЕ Е ТОЧНА ВНЕСЕТЕ КОРЕКТНА И ПРОБАЈТЕ ПОВТОРНО„ Треба да се внесе комплетната партија на вашата чековна картичка, денарска или девизна книшка, жиро сметка. Всушност тоа се и броевите за кои ќе поднесете барање за увид во истите.
4. Откога ќе се внесе пораката, истата треба да се испарати, а бројот на кој се испраќа е мобилната централа на Охридска банка (+38970232398). Значајно е и да се следи пораката за конфирмирање дали ПОРАКАТА Е ПУШТЕНА (Message sent).
5. Во најкраток можен рок, во зависност од оптовареноста на централата вашето барање се обработува и ако се утврди дека авторизацијата е дозволена , ви се одобрува увид во Вашата сметка. Одговорот во зависност за кој тип на сметка сте побарале враќа одговор „Состојбата на вашата сметка изнесува : 12,345.50 денари. Последна промена на датум : 30.09.2005 година. Посетете не :www.ob.com.mk„

---