Културата на корпоративна општествена одговорност е збир од политиките на нашата банка и свесноста на нашите вработени. Охридска банка се гордее и со двете, коишто се манифестираа преку активностите на Неделата на Солидарност.

Последен пример за ова е вклучувањето на вработените на Охридска банка, Societe Generale Group во зедничката акција на проектот - Недела на солидарност. За првпат Неделата на Солидарност беше организирана во рамки на Societe Generale Групацијата во периодот од 16 до 20 Јуни 2008. Во оваа прилика сите вработени беа собрани околу темата на солидарност преку акциите коишто беа дел од колективното движење на Групацијата.

Во текот на Неделата на солидарност, Охридска банка подготви акции со цел да го охрабри вклучувањето на вработените околу заедничката оска на Групацијата – социјална интеграција преку едукација. Охридска банка ја поддржа иницијативата и ги поттикна вработените да донираат средства за Клиниката за детска хирургија. Конечниот износ на донацијата е дуплиран со средства од буџетот на Банката наменет за донации и за активности за корпортивна општествена одговорност.

“Денес сме сведоци за успехот на оваа акција во две насоки – подигање на свеста за социјална одговорност кај вработените и демонстрирање на хуманоста на нашата банка. Вработените се пулсот на секоја компанија. Единствено заедно, со нивна поддршка можеме да влијаеме позитивно врз развојот на општеството” – изјави Бернард Коениг, Престедател на Управниот одбор на Охридска банка на денешното доделување на донацијата на Клиниката.

Клиниката за детска хирургија – Клинички Центар во Скопје е единствена во Македонија и во регионот на Косово и јужна Србија којашто располага со високо специјализиран персонал којшто изведува широк спектар на третмани, вклучително и комплексни хируршки зафати на деца од 0 до 14 години. Ова се потврдува со фактот што Интернационалната Асоцијација за Детска Трансплантација (IPTA) ја одбра Клиниката за Детска Хирургија за регионален центар за трансплантација.